Eugenine Kroonstadt

Mi nòmber ta Eugenine Kroonstadt, mi ta pashona ku mi trabou. Mi ta sinti mi kompleta ora mi ta yuda mi klientenan pa sinti mihó I pa nan haña konfiansa bèk den nan mes ku nan por surpasa nan difikultatnan.

Dos di mi kualidatnan ku mas mi ta gusta hasi uzo di dje na trabou ta refleha I opserva silensiosamente rondo di mi mes.

Lokual ku mas ta karakterisa mi ta, ku mi gusta pone atenshon na detayes ku ta yuda mi konsentra riba palabranan di otro persona. Kada palabra ku nos ta huza ta refleha nos pensamentu. Ademas, mi ta un persona independiente i determina pa alkansa mi metanan ku mi a pone pa mi mes.

Un di mi aktividatnan faborito ta pa mi konekta ku naturalesa, esaki ta laga mi sinti mi renoba i yen di pas.